أنت يا للي عنك قلبي ما سلا
لي متى بالشوف دايم مبخلي
كنت قبل أعرفك أطلع الأولى
وف الدراسة كان لا يعلى علي
ذاك قبل أعرفك أما اليوم لا
يوم شفتك كل شي أتبدلي
صرت لأبعد حد طالب مهملا
ومن نظرتي قال منت بالأولي
أنطرد مره ... ومرة افصلا
ومره يقولون حول منزلي
اذكر انه صار موقف مخجلا
موقف ، خله على الله ، صارلي
فيه مره كنت فيها غافلا
كنت سارح في حلاك أتأملي
وللنحو أستاذ كان اسمه ( علا)
كان يشرح ثم لاحظ مشغلي
جا معصب وقال : أنت يا ولا !!
امسك الطبشور وأعرب ما يلي ..
أرتبشت وقلت : ها.ليش.من.هلا
وقمت ، تدري ويش صار .. أتخيلي ...
قمت ارسم نارك اللي تشعلا
في وسطها قلبي اللي ينصلي
لو تشك بالي أقوله اسألا
ذاك بيتي واسألي عني هلي
بس لا يشوفك أبوي أتحملا
يدري أن إنتي سبايب مقتلي
أنت تدري وين قدرك وصلا
بس في ذمتك ، لا تستهبلي
لازم يكون الهوى متبادلا
والحياة اخذ وعطا ، خذ وأعطي لي
هكذا يكون الهوى وإلا فلا
ما يغطي الشمس خيط المنخلي
السبت يونيو 13, 2009 11:11 am
